Mittwoch, 10. Oktober 2018

De Ziestig morge isch wie immer verlofe. Mir sind am 7:15Uhr gweckt worde und hend en feine Z’Morge gesse. Am 9 Uhr häts Training den auch scho wieder ahgfange.

Zum Ufwärme hemmer es Mattefuessball miteme chline Handycap gmacht. Wo den au alli warm gsi sind, hemmer zemme nachli Chrafttraining gmacht und hend den ide einzelne Gruppe witer trainiert. Fürs hütige Training isch s’Thema Pass und Service gsi. Am Ahfang vom Training hemmer sochli grundlegendi Passtechnike glernt und nachher hemmer dezue no spezifischi Üebige gmacht.

Zum z’Mittag hend eus de Boo und de Brüde mit Spätzli, eh Bratwurst und ere feine Zwiebelsauce verzauberet.

Am 14:00 Uhr isches den witer gange mit em Namittagstraining. S’Thema isch wie am Morge Passe und Service gsi. Nacheme intensive Training hend eus de Boo und de Brüde zum z’Vieri passend zum Thema Peace-Spitzbuebe bache.

Zum Znacht hets es super feins Mame und als Dessert en Öpfelchueche geh. Als Abschluss hend eus d’Gruppe «Hanging Tree» es Guetnachtsgschichtli verzellt.

Hauptsponsor

Nachwuchssponsor

Sponsor

Partner

Ausrüster

Mitglied bei